Praising Song - எந்தன் உள்ளம் புதுக்கவியாலே பொங்க

1. எந்தன் உள்ளம் புதுக்கவியாலே பொங்க

இயேசுவைப் பாடிடுவேன்

அவர் நாமம் ஊற்றுண்ட பரிமள தைலம்

அவரையே நேசிக்கிறேன்.(2)

அல்லேலூயா துதி அல்லேலூயா - எந்தன்

அண்ணலாம் இயேசுவைப் பாடிடுவேன்

இத்தனை கிருபைகள் நித்தமும் அருளிய

கர்த்தனைக் கொண்டாடுவேன்.

2. சென்ற காலம் முழுவதும் காத்தாரே ஓர்

சேதமும் அணுகாமல்

சொந்தமாக ஆசீர் பொழிந்தெனக்கின்றும்

சுக பெலன் அளித்தாரே - அல்லேலுயா

3. சிலவேளை இமைப் பொழுதே தம்முகத்தை

சிருஷ்டிகர் மறைத்தாரே

கடும் கோபம் நீக்கித் திரும்பவும் என்மேல்

கிருபையும் பொழிந்தாரே - அல்லேலூயா

4. பஞ்சக்காலம் பெருகிட நேர்ந்தாலும் - தாம்

தஞ்சமே ஆனாரே

அங்கும் இங்கும் நோய்கள் பரவி வந்தாலும்

அடைக்கலம் அளித்தாரே - அல்லேலூயா