Praising Song - திருப்பாதம் நம்பி வந்தேன்

திருப்பாதம் நம்பி வந்தேன்

கிருபை நிறை இயேசுவே

தமதன்பைக் கண்டடைந்தேன்

தேவ சமூகத்திலே

1. இளைப்பாறுதல் தரும் தேவா

களைத்தோரைத் தேற்றிடுமே

சிலுவை நிழல் எந்தன் தஞ்சம்

சுகமாய் அங்கு தங்கிடுவேன் - திருப்பாதம்

2. என்னை நோக்கிக் கூப்பிடு என்றீர்

இன்னல் துன்ப நேரத்திலும்

கருத்தாய் விசாரித்து என்றும்

கனிவோ டென்னை நோக்கிடுமே - திருப்பாதம்

3. மனம் மாற மாந்தன் நீரல்ல

மன வேண்டுதல் கேட்டிடுமே

எனதுள்ளம் ஊற்றி ஜெபித்தே

இயேசுவே உம்மை அண்டிடுவேன்        -திருப்பாதம்

4. விசுவாசத்தால் பிழைத்தோங்க

வீர பாதை காட்டினீரே

வளர்ந்து கனி தரும் வாழ்வை

விரும்பி வரம் வேண்டுகிறேன் – திருப்பாதம்