Praising Song - நன்றியால் நெஞ்சம் நிறைந்திடுதே

நன்றியால் நெஞ்சம் நிறைந்திடுதே

நன்மைகள் நாளும் நினைந்திடுதே

என்னருள் நாதர் அருட்கொடைகள்

எத்தனை ஆயிரம் என்றிடுதே..ஆ!ஆ!

1. ஆழ்கடல் ஆகாயம் விண்சுடர்கள்

ஆறுகள் காடுகள் நீர்நிலைகள்

சூழ்ந்திடும் தென்றல் நீள்மரங்கள்

தூயநல் தேன்மலர் தீங்கனிகள்-

2. இன்பமாய் வாழ்ந்திட இல்லங்கள்

எழிலுடன் குழந்தைச் செல்வங்கள்

துன்புறும் வேளையில் துணைக்கரங்கள்

துதித்திட சொல்லுடன் ராகங்கள்-

3. உறவினில் மகிழ்ந்திட நல்நண்பர்

உதவிகள் செய்திட பல்பணியர்

அறவழி காட்டிட அருள் பணியர்

அன்புடன் ஏற்றிட ஆண்டவர்-

4. உருவுடன் விளங்கிட ஓருடலம்

உடலதில் இறைவனுக்கோர் இதயம்

பெருமைகள் கொடுமைகள் அழிந்தொழியா

திருமறை பேசிடும் வானுலகம்.