Praising Song - இல்லத்தின் தலைவராய் இயேசு - இருந்தால்

இல்லத்தின் தலைவராய் இயேசு - இருந்தால்

இல்லை என்பது இல்லையே

1. நிறைவான வாழ்வினைத் தருவார் - தந்து

குறையாவும் போக்கியே விடுவார்

மறைவான விருந்தினராவார் – இன்ப

மறை ஞான விருந்தினைத் தருவார்

2. வழியாக வருபவர் அவரே - வழியில்

ஒளியாக திகழ்பவர் அவரே

வழுவாமல் காப்பர் அவரே - நம்மைத்

தழுவியே அணைப்பவர் அவரே

3. அவர்பாதம் தொடர்ந்திட வேண்டும் - நித்தம்

அவர் பாதை நடந்திட வேண்டும்

அவர் போல வாழ்ந்திட வேண்டும் - என்றும்

பிறர்க்காக உழைத்திட வேண்டும்