Praising Song - தாசரே,இத்தரணியை அன்பாய்

தாசரே,இத்தரணியை அன்பாய்

இயேசுவுக்குச் சொந்தமாக்குவோம்

நேசமாய் இயேசுவைக் கூறுவோம்,அவரைக்

காண்பிப்போம், மாவிருள் நீக்குவோம்,

வெளிச்சம் வீசுவோம் - தாசரே

1. வருத்தப்பட்டு பாரஞ்சுமந்தோரை,

வருந்தியன்பாய் அழைத்திடுவோம்,

உரித்தாய் இயேசு பாவப் பாரத்தை,

நமது துக்கத்தை,நமது துன்பத்தைச் சுமந்து தீர்த்தாரே - தாசரே

2. பசியுற்றோர்க்குப் பிணியாளிகட்குப்

பட்சமாக உதவி செய்வோம் ;

உசித நன்மைகள் நிறைந்து தமை மறந்து,

இயேசு கனிந்து,திரிந்தனரே - தாசரே

3. நெருக்கப்பட்டு ஒடுக்கப்பட்டோரை,

நீசரை நாம் உயர்த்திடுவோம் ;

பொறுக்கவொண்ணா கஷ்டத்துக்குள்,

நிஷ்டூரத்துக்குள், படுகுழிக்குள் விழுந்தனரே - தாசரே

4. இந்தியதேச மாது சிரோமணிகள்

விந்தை யொளிக்குள் வரவழைப்போம் ;

சுந்தர குணங்களடைந்து, அறிவிலுயர்ந்து,

நிர்ப்பந்தங்கள் தீர்ந்து, சிறந்திலங்கிட – தாசரே

5. மார்க்கம் தப்பி நடப்போரைச் சத்ய

வழிக்குள் வந்திடச் சேர்த்திடுவோம்;

ஊக்கமாக ஜெபித்திடுவோம்,நாமுயன்றிடுவோம்,

நாம் உழைத்திடுவோம்,நாம் ஜெயித்திடுவோம் – தாசரே