Praising Song - தொழுகிறோம் எங்கள் பிதாவே

பல்லவி

தொழுகிறோம் எங்கள் பிதாவே

பொழுதெல்லாம் ஆவி உண்மையுடனே

அனுபல்லவி

பரிசுத்த அலங்காரத்துடனே

தரிசிப்பதினால் சரணம்,சரணம்

1. வெண்மையும் சிவப்புமானவர்

உண்மையே உருவாய் கொண்டவர்

என்னையே மீட்டுக் கொண்டவர்

அன்னையே இதோ சரணம் சரணம் - தொழு

2. தலை தங்க மயமானவர்

தலை மயிர் சுருள் சுருளானவர்

பதினாயிரம் பேரில் சிறந்தவர்

பதினாயிரமாம் சரணம் சரணம் - தொழு

3. கண்கள் புறாக் கண்கள் போல

கன்னங்கள் பாத்திகள் போல

சின்னங்களும் சிறந்ததாலே

எண்ணில்லாத சரணம் சரணம் - தொழு

4. கரங்கள் பொன் வளையங்கள் போல

நிறங்கள் தந்தத்தைப் போல

கால்களும் கல் தூண்கள் போல

காண்பதாலே சரணம் சரணம் - தொழு

5. பார்த்திபனே கன தோத்திரம்

கிர்த்தனம் மங்கள தோத்திரம்

வாழ்க வாழ்க வாழ்க என்றும்

அல்லேலுயா ஆமேன் ஆமேன் - தொழு