Praising Song - தோத்திரம் பாடியே போற்றிடுவேன்

தோத்திரம் பாடியே போற்றிடுவேன்

தேவாதி தேவனை இராஜாதி ராஜனை

வாழ்த்தி வணங்கிடுவேன்.

1. அற்புதமான அன்பே - என்னில்

பொற்பரன் பாரட்டும் தூய அன்பே,

என்றும் மாறா தேவ அன்பே

என்னுள்ளம் தங்கும் அன்பே - தோத்திரம்

2. ஜோதியாய் வந்த அன்பே - பூவில்

ஜீவன் தந்து என்னை மீட்ட அன்பே,

தியாகமான தேவ அன்பே

திவ்விய மதுர அன்பே - தோத்திரம்

3. மாய உலக அன்பை நம்பி

மாண்ட என்னைக் கண்டழைத்த அன்பே,

என்னை வென்ற தேவ அன்பே

என்னில் பொங்கும் பேரன்பே - தோத்திரம்

4. ஆதரவான அன்பே - நித்தம்

அன்னைபோல் என்னையும் தாங்கும் அன்பே,

உன்னத மா தேவ அன்பே

உள்ளம் கவரும் அன்பே - தோத்திரம்