Praising Song - இயேசு ராஜா வந்திருக்கிறார்

இயேசு ராஜா வந்திருக்கிறார்

எல்லோரும் கொண்டாடுவோம்

கைதட்டி நாம் பாடுவோம்

கொண்டாடுவோம் கொண்டாடுவோம்

கவலைகள் மறந்து நாம் பாடுவோம்

1. கூப்பிடு நீ பதில் கொடுப்பார்

குறைகளெல்லாம் நிறைவாக்குவார் (2)

உண்மையாக தேடுவோரின்

உள்ளத்தில் வந்திடுவார் - கொண்டாடுவோம்

2. மனதுருக்கம் உடையவரே

மன்னிப்பதில் வள்ளலவர்

உன் நினைவாய் இருக்கின்றார்

ஓடிவா என் மகனே(ளே) - கொண்டாடுவோம்

3. கண்ணீரெல்லாம் துடைத்திடுவார்

கரம் பிடித்து நடத்திடுவார்

எண்ணமெல்லாம் ஏக்கமெல்லாம்

இன்றே நிறைவேற்றுவார் - கொண்டாடுவோம்

4. நோய்களெல்லாம் நீக்கிடுவார்

நொடிப்பொழுதே சுகம் தருவார்

பேய்களெல்லாம் நடுநடுங்கும்

பெரியவர் திரு முன்னே – கொண்டாடுவோம்

5. பாவமெல்லாம் போக்கிடுவார்

பயங்களெல்லாம் நீக்கிடுவார்

ஆவியினால் நிரப்பிடுவார்

அதிசயம் செய்திடுவார் – கொண்டாடுவோம்